حكاوي السمنة
حكايتنا النهاردة عن مرض السمنة وأسلوب علاجه.. وللأسف دور الدعاية والإعلام السلبي.
مرض السمنة علاجه مش شوية أعشاب أو وصفات، ولا يوجد مرض فى العالم علاجه عبارة عن شوية أعشاب ووصفات.
والموضوع مش نظم غذائية لا تراعي صحة المريض أو الأمراض المصاحبة أو طبيعة عمله أو أسلوب حياته.. الموضوع مش صيام متقطع أو كيتو، الموضوع أسلوب حياة ونظام مناسب لكل حالة ويمكن تنفيذه، ويكون بيحتوي على الفيتامينات والمعادن والألياف المناسبة.
والمهم مش إنك تنزل بسرعة، المهم إنك تنزل وماترجعش تاني، وده حيتم عن طريق نظام مناسب لحالتك.
أما بالنسبة للمريض اللي بيفكر فى عمليات إنزال الوزن، فلازم يعرف أضرار العملية.. الموضوع مش نزول وزن وبس.
وملخص الموضوع، إنه لو سمنة بسيطة أو متوسطة ينصح بالبالون وأنواعه، ولو مفرطة ينصح بالتكميم، ولو محب للحلويات ينصح بتغيير المسار.
أما تفاصيل كل عملية على حدة، فأرجو الرجوع للأعداد السابقة.
أى استفسار أرجو إرسال رسالة على إيميل المجلة.
