خمس فنانات مابيطقوش الرجالة وإتعقدوا من الصنف كله

خمس فنانات مابيطقوش الرجالة وإتعقدوا من الصنف كله

إيمان العاصي إتحبست في شقة لحد ما إتنازلت عن كل حاجة.. ومنة فضالي كانت بتتصبح كل يوم بعلقة.. وناهد السباعي هربت يوم فرحها.. ونهى عابدين نفسها إتسدت من الصنف كله..

خمس فنانات مابيطقوش الرجالة

الأولى.. إيمان العاصي

وإتجوزت من واحد إسمه نبيل زانوسي، وكان مفهمها إنه صاحب الشركة وشريك فيها وإكتشفت في الآخر إنه خدعها وطلع موظف صيانة

ولما طلبت منه الطلاق ضربها وحبسها في البيت ومنعها عن الأكل أسبوع كامل وسرق المجوهرات بتاعتها ورفض يطلقها وقالها : “خليكي كده زي البيت الوقف“..

ولما وصلوا لحيطة مسدودة نبيل طلب منها تتنازل عن كل حقوقها وتطلع من البيت من غير ولا أي حاجة، وهي كانت عايزة تخلص وواقفت وإتنازلتله عن كل حاجة
ومن ساعتها إيمان كرهت الصنف كله وعايشة لبنتها والشغل وبس..

والغريب إن كل ده حصل في شهرين..
يعني إتجوزت وإتحبست وإتطلقت في شهرين.. وإكتشفت بعدها إنها حامل

أما التانية.. منة فضالي

وإتجوزت عرفي من المحلن محمد ضياء وأمها قالت إنها ماكنتش موافقة على الجوازة لكن منة كانت بتحب محمد ومستعدة تعمل أي حاجة عشان تتجوزه،
ولما إتجوزته في السر أمها جالها إنهيار عصبي وقاطعتها فترة كبيرة جدًا..

والجوازة مكملتش 6 شهور ومحمد ومنة إتطلقوا.. والسبب في الطلاق كان الغيرة بسبب صورة عريانة لمنة فضالي كانت لابسها ولما شافها وقالها : أنا ماينفعش معايا الكلام ده.. إتخانقت معاه وقالتله : ده شغلي.. فضربها.. ولما إتجرأ ومد إيده عليها كانت النهاية..

ومنة قالت إنها ندمانة على الجوازة دي ومش ناوية تتجوز تاني خالص وإنها إتعقدت من الرجالة كلها،
ومنة معندهاش أكتر من الكلاب وعايشة معاهم وبتعبرهم أوفى وأخلص من البني أدمين..
وأكتر أمنية نفسها تحقق إنها تبقى أم قبل ما تموت..

والتالتة.. ناهد السباعي

وكانت مخطوبة لرجل الأعمال محمد عبد ربه، وبتحضر لكتب الكتاب والدنيا كانت ماشية زي الفل، وفي يوم الفرح هووب فص ملح وداب وهربت ومحدش كان عارفلها مكان..

وطبعًا أهلها كانوا واقفين في نص هدومهم ومش عارفين ناهد راحت فين ولا بتعمل إيه، خصوصا مامتها اللي ناهد قالتلها قبل الفرح بيوم :

“أنا مش رايحة الفرح بكرا“.. لكنها إفتكرتها بتهزر عشان عروسة جديدة وخايفة،
وناهد قالت إن كان في مشاكل بينها وبين عريسها مش هتقدر تكمل بيها بقية حياتها وإنها مسئولة عن قرارها ومقتنعة بيه جدًا..

وناهد قالت لما بيجبولي سيرة عريس بقعد أعيط وأتعصب وبكسر حاجات كتير حواليا
ومن ساعتها وهي داخلة على الـ 40 ومفيش ولا راجل واحد في حياتها..

والرابعة.. نهى عابدين

ونهى إتجوزت وهي لسه صغيرة ويادوب كانت لسه طالبة في المعهد، وفضلت مستمرة 4 سنين وخلفت آبنها “أيمن” وقت تصوير مسلسل ونوس..

ولما الخلافات زادت بينها وبين جوزها قررت تطلق ورغم إنها ست زي الكتاب ما بيقول إلا إنها متجوزتش تاني لحد دلوقتي وقالت إن الرجالة والجواز عموما عبارة عن “وجع دماغ“..

وهي دلوقتي عايشة مع إبنها اللي قالت عليه أحلى حاجة في حياتها وإنها بتحبه وبتحترمه جدًا وناوية تطلع راجل وأب يعوضها عن اللي شافته طول حياتها..
👇

والخامسة والأخيرة.. هيدي كرم

إتجوزت وهي عندها 18 سنة وخلفت إبنها الوحيد “نديم”.. وكانت عايشة حياة هادية ومستقرة لكن بعد 11 سنة من الجواز قررت تطلق وكان بسبب الخلافات الكتير اللي بينها وبين جوزها..

وهيدي شايفة كانت شايفة إنها إتجوزت في سن صغير أوي وإن الجواز ده مشروع العمر والمفروض الواحد يختار كويس أوي شريك حياته، لإن الطلاق ده أصعب قرار يهد البيت في لحظة..

وهيدي متجوزتش تاني، رغم إنها ست حلوة وزي القمر لكنها عايشة حاليا مع إبنها ومش عايزة حاجة غير إنها تشتغل وتربيه وخلاص،

وهيدي قالت إن معندهاش مانع تتجوز راجل من ديانة تانية، ورغم إن ده حرام شرعًا ردت وقالت :

“أنا حرة ودي قناعتي الشخصية، وأنا مطلبتش من حد يعمل زيي“..

#شوف مصر