كيف نتعامل مع المراهقة : بين التغيرات والتحديات
تعتبر مرحلة المراهقة من أكثر المراحل العمرية حساسية وتحديًا، حيث يشهد المراهق خلالها تغيرات هرمونية ونفسية جذرية تؤثر على سلوكه وتصرفاته. ومن بين أبرز هذه التغيرات ما يُعرف بـ “سنين الغلاسة”، وهي الفترة التي يبدأ فيها المراهق بإظهار سلوكيات مستفزة، مثل الإعتراض المستمر، والنقد اللاذع، والشعور بأنه يفهم كل شيء أفضل من أهله
أعراض “الغلاسة” عند المراهقين
👈 سنين الغلاسة عند المراهقين…
هي المرحلة اللي بيبدأ فيها المراهق يتصرف بطريقة مستفزة أحيانًا، بيكون عنده إعتراض على كل حاجة، وبيبقى حاسس إنه فاهم كل حاجة أكتر من أهله. المرحلة دي طبيعية جدًا وبتحصل بسبب التغيرات الهرمونية والنفسية اللي بيمر بيها، وكمان بسبب رغبته في الإستقلال وإثبات نفسه.
أعراضها..
الردود المستفزة والنقد المبالغ فيه : ممكن تلاقيه بيرد بطريقة جافة أو ساخرة على أي كلام، حتى لو كان بسيط .
العناد والتمرد : بيعترض على القواعد بشكل متكرر، ويحاول يفرض رأيه حتى لو كان غلط.
التقليل من آراء الأهل : بيحس إنه فاهم الدنيا أكتر من أهله، وإنهم قدامُه “مش فاهمين حاجة”.
التذمر المستمر : سواء عن الدراسة، البيت، أو أي مسؤوليات، دايمًا حاسس إنه مضغوط وإنه الوحيد اللي بيعاني.
اللامبالاة الظاهرية : حتى لو كان الموضوع مهم، ممكن يظهر لامبالاة عشان يبين إنه مستقل.
الرغبة في العزلة : بيقضي وقت طويل في أوضته، مع السماعات في ودنه، أو على الموبايل.
تقليد الأصدقاء : ممكن تلاقيه بيتبنى أفكار أصحابه أكتر من أهله وبيسمع كلام أصحابه أكتر من كلامك، حتى لو كانت غلط.
كيف نتعامل مع المراهقة في هذه المرحلة
عدم أخذ الأمور بشكل شخصي : الغلاسة دي مش ضدك، لكنها جزء من تطوره النفسي، فحاول تتعامل بهدوء ومتضايقش .
منحه مساحة شخصية : المراهق محتاج يحس إنه مستقل، فمتضغطش عليه إنه يتكلم أو يقعد مع العيلة غصب عنه.
التواصل بدون أوامر : بدل ما تقوله “لازم تعمل كذا”، جرب تخليه يحس إنه بياخد القرار بنفسه.
تجنب السخرية والتوبيخ : يزيد النقد من العناد والتباعد.
الإستماع إلى آرائه بجدية : لما يعبر عن رأيه حتى لو كان غريب، ناقشه بإحترام عشان يحس إن صوته مهم.
الحفاظ على الهدوء : يساعد الهدوء في تهدئة الموقف.
وضع حدود واضحة : حدد حدود واضحة لكن بدون ديكتاتورية .. لازم يبقى فيه قواعد في البيت، بس تتناقش معاه فيها مش تفرضها عليه.
الخلاصة
“الغلاسة” عند المراهقين ليست مقصودة، بل هي تعبير عن مرحلة معقدة يمرون بها. يتطلب التعامل مع هذه المرحلة صبرًا وتفهمًا، وكلما كان التعامل هادئًا ومتفهمًا، كلما مرت هذه المرحلة بسلاسة أكبر
هي المرحلة اللي بيبدأ فيها المراهق يتصرف بطريقة مستفزة أحيانًا، بيكون عنده إعتراض على كل حاجة، وبيبقى حاسس إنه فاهم كل حاجة أكتر من أهله. المرحلة دي طبيعية جدًا وبتحصل بسبب التغيرات الهرمونية والنفسية اللي بيمر بيها، وكمان بسبب رغبته في الإستقلال وإثبات نفسه.
