عمرك فكرت إنت بتتخن ليه؟
دكتور : باهي هاني | دكتور : هاجر حسين
لمّا نفكّر في السؤال دا هيبقى الرد الطبيعي: (بناكل كتير)، دا فعلاً أهم سبب لزيادة الوزن، طالما مفيش أي أسباب صحية لزيادة الوزن، أو إننا بناخد أدوية كورتيزون مسببة لزيادة الوزن.
طيب، ما نسأل سؤال تاني تفتكر إحنا بناكل كتير ليه؟ عشان دي حاجة طبيعية إننا بنجوع كتير، بس عمرك سألت نفسك هو أنا جعان بجد ولا لأ؟ أصل الجوع أنواع، وفيه كذا نوع، ودا اللي هنفهموا سوا دلوقتي عشان بعد كده أسأل نفسي هو أنا الجوع اللي عندي دا اسمه إيه وأعمل معاه إيه؟ تعالوا نعرف سوا أول أنواع الجوع:
Nutritional Hunger
دا بنحس بيه لما بنفضل فترات طويلة بناكل الوجبات السريعة الجاهزة، ودا مش بيعطي احتياجات الجسم من المعادن والفيتامينات، عشان كده الجسم بيحس بجوع كتير. دا اللي بيخلينا ناكل كتير من الأكل الجاهز.
الحل للمشكلة دي إن الجسم يحتاج وقتها إنه ياكل الأكل في صوره الطبيعية، زي الخضراوات والفاكهة والمكسرات عشان الجسم وقتها يقدر يحس بالشبع، ودا يخلينا نمشي على نظام متوازن يحتوي على احتياجات الجسم من البروتين والكروبوهيدرات والدهون والفيتامنات والمعادن.
Habit Hunger
دا ما يسمّى بالجوع العادي، إننا بنبقى معوّدين نفسنا إننا ناكل مع أفعال يومية بدون وعي، زى مثلاً كلنا لازم فشار مع السينما، ولازم مع الأكل أشرب عصير أو مياه غازية، ودا اللي بيسبب الأكل الزائد إننا بناكل واحنا مش محتاجين إننا ناكل. عشان كده إحنا محتاجين إننا نستبدل المأكولات المقترنة بالأفعال اليومية بأكلات صحية، ونحاول إننا نركز في الكميات.
Sensor Hunger
دا ما يسمى جوع الحواس اللي بنحس بيه، مثلاً زي إننا نبقى ماشيين من قدام فرن، ونشم ريحة المخبوزات، وندخل نشتري حتى لو إحنا مش جعانين، لازم يبقى عندنا وعي كافي دا هيخلينا إننا نقدر نقرر وقتها أن بدل ما بناكل الكمية كلها، هناكل نصها لو مش جعانين، مش هيخلينا ناكل أصلاً.
عشان كده فكرة إننا نشم الأكل قبل ما ناكل بيخلى حواسنا تبقى هي كمان شبعانة.
Hormonal Hunger
دا من أشهر أنواع الجوع عند السيدات، بسبب اضطرابات الهرمونات اللي بتحصل وقت انقطاع الدورة الشهرية أو وقت الدورة الشهرية وفترة الحمل، بسبب إن هرمون الستروجين بيقل.
دا بسبب إنك بتحس بالجوع واحتياجك للنشويات والسكريات بس تغير في المود دا حاجة طبيعية عشان إحنا سيدات، عشان ممكن نحل دا بنزود هرمون الستروين عن طريق أكلات معينة، زي الموز والفسدق، عشان هو بيقدر يحسّن المود.
وكمان هرمون الميلاتونين بيقدر يساعد على تغيير المود للأحسن عن طريق إننا نتعرض لأشعة الشمس لمدة ساعة أو أكتر من غير أشعة حارقة. كمان العلاقات مهمة جداً في حياتنا إنها بتقدر تساعدنا على تغيير المود عن طريق التواصل مع الحيوانات الأليفة أو أطفال بيجددوا طاقة.
Social Hunger
دا نقدر نقول إن أشهر عند الرجال بس التجمعات، لأن التجمعات لازم ناكل فيها حتى لو مش حاسس إحساس الجوع، دا الحل فيها إننا نبقى عارفين إننا هناكل هنبقى مجهزين نفسنا قبل الاجتماعات.
إحنا في مجتمعات معتمدة على اللمة من غير أكل ماتبقاش لمة عشان كده لازم إننا نبقى عاملين حسابنا على إننا هناكل عشان مايبقاش أكل زيادة، ويسبب لنا زيادة في الوزن.
Emoitanl Hunger
دا بقى أشهر أنواع الجوع، عشان لو سألت أي حد هيقولك أنا لما بزهق باكل، أنا بازعل باكل، أنا بقلق باكل، عشان إحنا اتعودنا من صغرنا إننا لما نعيط ناكل حاجة حلوة عشان نسكت، وعشان كده فضلنا كده لغاية لما كبرنا.
بس الأكل عمره ما كان حل المشكلة، يبقى إحنا محتاجين نسأل نفسنا وإحنا بناكل أنا حاسس بإيه، عشان أفهم أنا محتاج آكل ومحتاج أفهم مشاعري، وأفهم أنا محتاج إيه عشان أحل المشكلة.
Physical Hunger
هو دا بقى الجوع اللي يستحق إننا ناكل بجد أو زي ما بيقول إننا نلبي نداء الطبيعة، إن الجسم محتاج طاقة عشان يشتغل، يبقى محتاج أكل، عشان كده الجسم بيبدأ يدي إشارة تدريجياً عشان أبدأ أحس إني محتاج آكل، وعلى أساس الإشارات دي. المفروض آكل ودي محتاج إني أتواصل مع جسمي عشان أحس بإشارات الجوع.
وعلى أساس أقدر أقول الجعان بياكل الزلط، ودا اللي هيخليني فعلاً مافكرش أنا باكل إيه عشان أنا محتاج وقتها طاقة من عشان تغير مود.
