الحلقة الثانية من سلسلة فيديوهات تحيا مصر 🇪🇬 ملف العاصمة الإدارية ومدينة العلمين الجديدة

الحلقة الثانية من سلسلة فيديوهات تحيا مصر 🇪🇬 ملف العاصمة الإدارية ومدينة العلمين الجديدة.

أهلا بيكم مع مجلة لايف وسلسلة فيديوهات تحيا مصر.

فى كل فيديو هنتكلم عن مشروع من المشاريع العملاقة اللى بتتنفذ على أرض مصر.

ومشروع النهاردة هو العاصمة الإدارية الجديدة ومدينة العلمين الجديدة.

وإنت بتسمعنى لازم تتأكد إن الأماكن دي لكل المصريين شأنها شأن أي مدينة أو محافظة مصرية بها كل طبقات المجتمع، فهي مقسمة إلى أحياء.

ممكن تبقى عامل ، مهندس ، طبيب ، موظف ، معلم ،صاحب مطعم و كافيه أو مستثمر هناك وممكن ماتحبش تبقى هناك وتفضل تكمل حياتك في محافظتك عادى.

لو كنت من سكان القاهرة، القاهرة نفسها فيها كل الطبقات
من أول المرج لجاردن سيتي ومدينتي، ولو فكرت وقولت إن مكانش وقته دلوقتى المدن الجديدة.

هقولك لو نفس الجمله دى اتقالت من 30 سنة مكانش هيبقى عندك النهاردة مدينه 6 اكتوبر وزايد والتجمع والمستقبل والمقطم والشروق وبدر والرحاب.

انت متخيل المدن دى لو مكانتش موجوده كانوا سكانها هيروحو فين دلوقتى.

اي حد بينتقد العاصمة الادارية ميعرفش يعنى إيه شوية رمله ملهمش تمن أصبحت أراضى ليها قيمة كبيرة و تمن رهيب، ميعرفش هى مشغله كام إستشارى و كام مطور و كام مقاول و كام صنايعى و عامل و مهندسين و معدات.

وبالتالى ميعرفش هى خلقت فرص عمل قد ايه وفتحت بيوت أد إيه.

ميعرفش كام مصنع وشركة شغالين في الصناعات المغذية لعملية البناء زى الاسمنت والحديد والرمل والطوب والسيراميك والكهرباء والأثاث.

الدولة المصرية بتبني حوالي 20 مدينة جديدة، بس التركيز كله على مدينتين (العاصمة والعلمين) لأن الهدف منهم استثماري، نسبة 5% من الشعب المصري، طبقة غنية وعندها ثروة كويسة، وتقدر تشتري في المدن الجديدة وال compounds.

وطبعا الاستهداف مش مصريين بس ولا برضة اجانب بس، الابراج دي منها سكني واداري، احنا بنستهدف كبرى الشركات العالمية تفتح فروع عندك في مصر.

هتلاقي مثلاً خبر إن شركة إعمار انتهت من بيع 300 فيلا في مشروعها الجديد بالساحل الشمالى، دة رقم عادي جداً بالنسبة لحجم الشعب اللي كلمتك عنه، صحيح الاسعار مبالغ فيها، لكنها كلها إتباعت ومش كل اللي اشتروا مصرين، في اجانب وعرب وهو ده المستهدف.

وانت كمواطن لازم تتمنى النجاح لمثل هذة المشاريع لأنها هتعود عليك بالخير.

إحنا النهاردة عندنا شركات عالمية مكتوب عليها صنع فى مصر، بلدنا مليئة بمشاريع جاذبة للسياحة، ولو عدينا سوا..
-هنبدا بالمدينة الرياضية على مساحة 92 فدان والتي تعد من أكبر المنشآت الرياضية فى العالم.

-البرج الايقوني وهو أطول برج فى قارة أفريقيا ، يتكون من 120 طابق ويبلغ إرتفاعة 345 متر وبه مهبط طائرات.

-الحديقة المركزية على مساحة ألف فدان بطول10 كيلو

-مسجد الفتاح العليم الذي يسع ل 25 الف مصلى

-الكنيسة الكتدرائية التي تسع ل 8000 فرد

-النهر الأخضر اللى بيلف العاصمة كلها

-مطار العاصمة

-‏ القطار المعلق ومسار الدراجات كل هذة مشاريع عملاقة جاذبة للسياحة وللمستثمرين المصرين والأجانب، كلها مشاريع رائدة وواجهة مشرفة لمصر والمصريين.

رجاءاً إنشروا الإيجابيات.

وإزرعوا الأمل والتفائل وسط كل اللي حواليكم لأن دي بلدنا كلنا وأي تقدم ونجاح ليها يعني تقدم ونجاح لكل مصري، رؤية القيادة رؤية حكيمة ومتنورة ومستقبلية هذة القيادة استطاعت في سنين قليله نقل وضع مصر وشأنها الاقتصادي لمكانه عاليه جدا بين دول العالم، فلابد من مساندتها لنرتقي بمصر وشعبها.
‏
وإلى اللقاء فى فيديو جديد ومشروع جديد ودائما تحيا مصر.