أهلا بيكم فى مجلة لايف وسلسلة فيديوهات تحيا مصر.
فى كل فيديو هنتكلم عن مشروع من المشاريع العملاقة اللى بتتنفذ على أرض مصر
ونلقى الضوء على كل إنجاز فى جميع المجالات.
هدفنا نزيد من وعى المواطن فى مواجهة أفكار الهدم والتشكيك ونشر الأمل والتفاؤل.
مع الأعتراف الكامل بأى مشاكل أو صعوبات وطرح بعض الحلول لتنفيذها….
ومشروع النهاردة هو ملف عشوائيات مصر.
ياتري مين فينا متكلمش قبل كده أو نشر علي السوشيال ميديا.
عن اللي بيعش عيشه غير آدمية في عشه فوق السطوح ومعندوش أى خدمات.
وبيغرق ميه فى الشتا ومعندوش سقف يحميه من الشمس فى الصيف.
بالأضافة لأنتشار المرض والجهل والعادات السيئة.
ومركز لبُئر أصفال الشوارع والبلطجة وبيع المخدرات والسرقة والأرهاب.
مكنتش تقدر فى الطوارئ تدخل عربية إسعاف أو مطافى.
على مدار 50 عام من العشوائيات فشل أى رئيس سابق أو حكومه تفتح الملف أو تغير شيئ.
وإتسابت المشكلة تكبر وتنموا لتصبح قنبله موقوتة.
بجانب متاجرة حقوق الأنسان بهذة الصور والمناظر.
وتسليط الضوء عليها من جانب السينما المصرية فى عرض أفلام عنها مثل.
صرخة نملة وحين ميسرة ودكان شحاتة وهى فوضى وإبراهيم الأبيض.
وفى سنة 2016 قال الرئيس عبد الفتاح السيسى جملته الشهيرة.
بيعيرونا بفقرنا بس أنا مش هسكت.
وأقسم إنه مش هيسيب الوضع ده يستمر فى الدوله.
وفى ظل قيادتة الحكيمة وتوفيق ربنا.
قدر فى 6 سنين من شغل ليل نهار وبأعلى جوده وأقل وقت وتكلفة.
القضاء على أهم المناطق العشوائية فى مصر.
زى تل العقارب..سيدى فرج.. مثلث ماسبيرو.. السيدة عائشة..وعرب الحسن.. وعزبة الصفيح.. الدويقه.. منشية ناصر..بحر البقر.. القلعة ومنطقة السماكين وغيرها كتير.
ونقل سكانهم إلى مدن جديدة وآمنه بجميع المحافظات.
مثل الأسمرات وبشاير الخير وغيط العنب والمحروسة.
والمدن الجديدة بتشمل المدارس والنوادى والمستشفيات ودور العبادة والمراكز الخدمية وأنشطه تجارية وترفيهية.
وكل ذلك من أجل حياة كريمة وتربية أولادهم فى ظروف أفضل لمستقبل مشرق.
🛑 إجمالى تكلفة ملف القضاء على العشوائيات 424 مليار جنية
🛑 مشروع العشوائيات يشمل 3 أقسام
💧القسم الأول المناطق الغير آمنه.
وعددهم 357 منطقه
وعدد الوحدات المطلوبه 270 الف وحده سكنية.
تخدم مليون و80 الف مواطن.
والتكلفة 30 مليار
💧القسم الثانى المناطق الغير مخططه.
160 الف فدان غير مخطط بدون شبكات أو طرق.
يخدم 22 مليون مواطن.
ويتكلف 350 مليار.
مدة المشروع 10 سنوات وينتهى فى 2030.
💧القسم الثالث: الأسواق العشوائية
عدد الأسواق 1104 سوق عشوائى.
وعدد المحلات 306 الف محل.
تكلفة المشروع 44 مليار جنيه.
تم الأنتهاء من 18 سوق وجارى إنشاء 22 سوق.
ومدة المشروع 10 سنوات وينتهى فى 2030.
القضاء على العشوائيات كان حلم وأصبح حقيقة.
من فضلكم إنشروا الإيجابيات.وإزرعوا الأمل والتفائل فى من حولكم.
وإلى اللقاء فى فيديو جديد ومشروع جديد ودائما تحيا مصر
